ސަރަޙައްދީ ކަންކަމުގައި ސާކުން އަދާކުރާ ދައުރު ހަރުދަނާ ކުރައްވައި އިތުރަށް ފުޅާކުރެއްވުމަށް ކުރިއަށްއޮތް ސާރކް ސަމިޓްގައި މަސައްކަތްޕުޅު ކުރައްވާނެ ކަމަށް ރައީސުލްޖުމްހޫރިއްޔާ ވިދާޅުވެއްޖެ

ސަރަޙައްދީ ކަންކަމުގައި ސާކުން އަދާކުރާ ދައުރު ހަރުދަނާ ކުރައްވައި އިތުރަށް ފުޅާކުރެއްވުމަށް ކުރިއަށްއޮތް ސާރކް ސަމިޓްގައި މަސައްކަތްޕުޅު ކުރައްވާނެ ކަމަށް ރައީސުލްޖުމްހޫރިއްޔާ ވިދާޅުވެއްޖެއެވެ. ރައީސް މުޙައްމަދު ނަޝީދު މިހެންވިދާޅުވީ ސޯޅަވަނަ ސާރކް ސަމިޓްގައި ބައިވެރިވެވަޑައިގަތުމަށްޓަކައި ބޫޓާނަށް ފުރާވަޑައިގަތުމުގެ ކުރިން ރަސްމީ ފާލަންދޮށުގައި ނޫސްވެރިންނާ ބައްދަލުކުރައްވައި ވާހަކަފުޅު ދައްކަވަމުންނެވެ. ރައީސް ނަޝީދު ވިދާޅުވީ މީގެކުރިން ފެނިފައިވަނީ އެދެވޭ ބާރު މިނެއްގައި ސާކުގެ މަސައްކަތްތައް ކުރެވިފައިނުވާތަން ކަމަށާއި އެހެން ކަމުން މިކަމަށް ހައްލެއް ގެންނާނެ ގޮތެއް ސާރކްގެ މެންބަރު ގައުމްތަކުގެ ވެރިންނާއި ވާހަކަދައްކަވައިގެން ހޯދަވާނެ ކަމަށެވެ.

މީގެ އިތުރުން ސާރކްގެ ސެކެރެޓަރީ ޖެނެރަލްއަކަށް ބޭފުޅަކު އައްޔަން ކުރުމުގެ ފުރުސަތު ރާއްޖެއަށް ލިބިފައިވާއިރު ރައީސް ނަޝީދު ވިދާޅުވީ މިކަމަށް ގާބިލް އަންހެން ބޭފުޅަކު ހޮއްވަވާނެ ކަމަށާއި ސަމިޓްގައި އެބޭފުޅާނެ ނަން އިއުލާން ކުރައްވާނެ ކަމަށެވެ.

ޚަބަރު : ވީއޯއެމް ވެބްސައިޓުން

ނ.އަތޮޅު ޤުރުއާންމުބާރާތުގެ 9 އަހަރުން ދަށުގެ ޢުމުރުފުރާގެ ބަލައިގެން ކިޔުމުގެ ބައިން 1 ވަނަ ޙުސެއިން ސަލާމް

ދިވެހިރާއްޖޭގެ ޤައުމީ ޤުރުއާންކިޔެވުމުގެ މުބާރާތުގައި އަތޮޅުތަކުން ވާދަކުރާނެ ދަރިވަރުން ހޮވުމަށް ކޮންމެ އަތޮޅަކުވެސް ބާއްވާ ޤުރުއާން މުބާރާތުގެ ތެރެއިން ނ.އަތޮޅު ގައި ބޭއްވި އެއަތޮޅު ޤުރުއާން ބުރާތް 2010 ގެ 9 އަހަރުން ދަށުގެ ޢުމުރުފުރާގެ ބަލައިގެން ކިޔުމުގެ ބައިން 1 ވަނަދަރިވަރަކަށް ނ.ލަންދޫ އޮއިވަރު ޙުސައިން ސަލާމް ( ލަންދޫސްކޫލް ) ހޮވިއްޖެއެވެ.

ނ.ލަންދޫ ސްކޫލްގެ ޤުރުއާން ޓީޗަރަކަށް ރިސޯސްޓީޗަރެއްގެ ގޮތުގައި ވަންނަވާ މިދިޔަހަފްތާގައި މަސައްކަތް ކުރައްވާ އަދި މިހާރު އަމިއްލައަށް އިސްތިޢުފާ ދެއްވާ މިވަޒީފާ ދޫކޮށްލައްވާފައިވާ ލަންދޫ އޮއިވަރު ސަލްމާ ހުސެއިންގެ ހުރި ހަމަ އެކަނި ދަރިފުޅު ޙުސެއިން ސަލާމް މިހޯދި ކާމިިޔާބީއަކީ އޭނާއާއި އެކު ވާދަކުރި އެކިއެކި ސްކޫލްތަކުގެ 10 ދަރިވަރުންގެ މައްޗަށް ކުރިހޯދައިގެން ހޯދާފައިވާ ކާމިިޔާބީއެކެވެ.

ލަންދޫގައި މިވަގުތު ހުރި ޤުރުއާންގެ ޢިލްމަށް ޚާއްޞަކޮށް ތަޖްވީދުގެ ބައިތަކަށް އެންމެ އަރާހުރި ބޭފުޅެއްކަމަށް ގިނަބަޔަކު ޤަބޫލްކުރާ ލަންދޫ މުދިމް އަލްފާޟިލް ޙުސެއިން އާދަމް އަށް ކާފަ ކިޔާ ޙުސެއިން ސަލާމް އާއިއެކު މިމުބާރާތުގައި އަތޮޅުގެ ބޮޑެތި ސްކޫލްތަކުގެ ދަރިވަރުންވެސް ވާދަކޮށްފާވެއެވެ. އޭގެ ތެރޭގައި މޭނާސްކުލާއި، ނ.އަތޮޅު ތަޢުލީމީ މަރުކަޒުގެ ދަރިވަރުން ހިމެނެއެވެ.

ނ.މަގުދޫ ކަތީބު އަލްފާޟިލް މުމްތާޒް އަށް ބައްޕަ ކިޔާ ލަންދޫ ސްކޫލްގެ ގްރޭޑް 3 ގެ ދަރިވަރު ހުސެއިން ސަލާމް މިހޯދި ކާމިޔާބީ ވެގެން ގޮސްފައިމިވަނީ އަތޮޅު މުބާރާތެއްގައި ލަންދޫ ސްކޫލްގެ ދަރިވަރަކު ހޯދިމ މިފަދަ ފުރަތަމަ ކާމިޔާބީ އަށެވެ. އެހެންކަމުން އެކަން ފާހަގަކޮށް ލަންދޫ ސްކޫލްގެ ފަރާތުން ޙުސެއިން ސަލާމްއަށް ވަނީ މިދިޔައާދިއްތަ ދުވަހުގެ އެސެމްބްލީގައި އެކަންފާހަގަ ކޮށް ވަރަށް ހޫނު މަރުޙަބާއެއް ކިޔާފައެވެ. އަދި ހަމަ އެހެންމެ ޙުސެއިން ސަލާމް މިހޯދި ކާމީޔާބީއަށް އެކަން ފާހަގަކޮށް ރަށަށް ރީތިނަން ހޯދައިދިނީތީ ލަންދޫ އިންފޯގެ ފަރާތުންވެސް ވަރަށް ބޮޑަށް މަރުޙަބާ ކިޔަމެވެ.

ލަންދޫއިންފޯއިން އެދެނީ މިފަދަ ކާމިޔަބީތައް ލަންދޫގެ އެހެން ދަރިވަރުންނަށް ކުރިމަގުގައި ލިބިގެން ދިޔުމާއި އެކު ޙުސެއިން ސަލާމްގެ ކުރިމަގު އުޖާލާވެ އުފާވެރިވެ ކީރިޤުރުއާން ކިޔެވުމުގެ ހުނަރު ކުރިއަރުވާ މިފަހަރު މިހޯދިކާމިޔާބީއަށް ވުރެވެސް އިތުރު ކާމިޔާބީ ތަކެއް ހޯދުމުގެ ފުރުޞަތު ލިބިގެން ދިޔުމެވެ.

ޕްރޮވިންސް އޮފީސް – މީ ކީއްކުރާ ތަނެއްބާ !!!؟

ިވެހިރާއްޖޭގައި 30 އަހަރުވެރިކަން ކުރެއްވި އަލްއުސްތާޒް މައުމޫނު ޢަބުދުލް ޤައްޔޫމް ވެރިކަން ދިވެހިން ބަދަލްކުރީ ވަރަށް ފޮނި އުއްމީދަކާއި އެކުގައެވެ. ރައްޔިތުންނަށް ހެޔޮ ބަދަލަކާއި ފަސޭހަތަކެއް ލިބޭނެކަމުގެ އުއްމީދާއި އެކުގައެވެ.

ނަމަވެސް ދިވެހިން އުއްމީދުކުރި އުއްމީދުކުރުންތައް މިއަދާއި ހިސާބަށް މިވަނީ ބިލާހަކަށްވެގެން ގޮސްފައެވެ. މިއަދު އަޅުގަނޑުމެން ދިވެހިންނަށް މިވަނީ އިހުނަށްވުރެ ދަތި އުދަގޫތަކާއި ކުރިމަތި ލާން ޖެހިފއެވެ.

ސިވިލްސާވަންޓުންގެ ވަޒީފާތައް ގެއްލެމުންދާއިރު ރީދުކުލައިން ޖަރީނުވާ މީހަކުނަމަ ނިކަމެތިވެ ހަފުސްވަމުން ދަނީއެވެ. އަދި ހަމަ އެހެންމެ ރީދޫކުލައިން ޖަރީނުވާނަމަ އެމީހަކަށް ނުވަތަ އެބަޔަކަށް އެއްވެސް ރައްކަލެއް ހިމާޔަތެއް ނެތެވެ.

ރާއްޖޭގައި ކުޑަ ސަރުކާރެއް ޤާއިމް ކުރާނެ ކަމަށްވަޢުދުވެ ވެރިކަމަށް ވަޑައިގެންނެވި އަދުގެ ސަރުކަރުން ” ސިޔަސީ ” މަޤްޞަދަކަށް ޓަކައި އުފެއްދެވި ޕްރޮވިންސ އޮފީސްް ތަކުގެ ބޭނުމަކީ ކޮބައި ބާވައޭ އަޅުގަނޑުގެ ހިތައް އަރައެވެ.

ޕްރޮވިންސް އޮފީސް އުފެއްދީ ރީދޫ ކުލައިގެ އެކްޓިވިސްޓުންނަށް ލާބައާއި މަންފާ ހޯދައިދީ އެބައިމީހުންގެ ” އުފާތައް ” ހާސިލްކޮށްދެއް ކަމަށްވާނަމަ ޕްރޮވިންސް އޮފީސް ހެދުމުގެ ބޭނުން މިއަދު މިވަނީ ކިތައްމެހާވެސް ރަނގަޅަކށް ހާސިލްވެފައެވެ.

ރަށްރަށުގެ ރައްޔިތުން އެބައި މީހުންގެ އަމިއްލަ ދިރިއުޅުމަށްޓަކައި އެބައިމީހުންގެ އަމިއްލަ ފަސްގަނޑުން ދިރިއުޅެލާނެ ބިންކޮޅަކަށް އެދިގެން އުޅެތާ އަހަރެއްވޭތުވެގެން ދާއިރު މިކަންތައް ފުރިހަމަ ކޮށްދިނުމުގައި ޕްރޮވިންސް އޮފީސްވަނީ ނިދާފައެވެ. ކުދިންނަށް ތަޢުލީމް ދިނުމަށްޓަކައި ރެޔާދުވާލް މަސައްކަތް ކުރަމުންދާ ސްކޫލްތަކުން ޓިޗަރަކު ނެތިގެން ޓީޗަރަކު ހޯދުމަށް އާދޭސް ކުރާތާ 4 މަސް ވޭތުވެގެންދާއިރުވެސް ޕްރޮވިންސް އޮފީހުގައި ބެހެއްޓިފައިވާ އެޑިޔުކޭޝަން މޭޒުދޮށުގައި ތިއްބަވާ ބޭފުޅުންނަށް ކުރެވުނު އެއްވެސް ކަމެއް ނެތެވެ. ރައްޔިތު މީހާ އާއި ގުޅިފައިވާ ކޮންމެކަމެއް ފުއްދައި ދިނުމުގައި ޕްރޮވިންސް އޮފީސްވަނީ ފެއިލްވެފައެވެ.

ޕްރޮވިންސް އޮފީހަކީ އަދުގެ ސިޔާސީ ބޭފުޅުން އުފަލާއި ހިތްހަމަ ޖައްސާލަންދާން އޮންނަ ކުޑަވަރެއްގެ ” ޕިކްނިކް އައިލެންޑް ” އެއް ކަމަށްވާނަމަ އަޅުގަނޑުުގެ އެއްވެސް ޝަކުވާއެއް ނެތެވެ.

ނަމަވެސް ޕްރޮވިންސް އޮފީހަކީ ރައްޔިތު މީހާއަށް ގާތުން ޚިދުމަތް ދިނުމަށް އުފައްދާފައިވާ ތަނެކޭ ބުނާނަމަ މިކަމުގެ ޝަކުވާ އަޅުގަނޑުމެން ކުރާނަމެވެ. އަދި މިވާހަކަތައް ދައްކަންވެސް ދައްކާނަމެވެ.

“ޕްލެޖެރިޒަމް: “- ޔޫސަރ ފްރެންޑްލީ ނުވަނީ ވަގުންނަށް

ވައްކަމަކަށް ވަނީ ހަމައެކަނި މީހެއްގެ ލާރިގަނޑެއް، ފޯނެއް ނުވަތަ ސައިކަލެއް ވަގަށް ނެގުމަކުން ނޫނެވެ. އިހުޒަމާނުގައި މީހުންގެ މިލްކިއްޔާތާއި ރައުސުލްމާލަކީ ބިންބިމާއި މުދަލާއި ފައިސާކަމަށްވިޔަސް މިޒަމާނުގައި އެމީހެއްގެ ލިއުންތަކާއި އެހެނިހެން މައުނަވީ ތަކެތިވެސް ވަނީ ރައުސުލްމާލުގެ ތެރޭގައި، އަގުބޮޑު ތަކެތީގެ ގޮތުގައެވެ. ޚާއްސަކޮށް ޢިލްމީ މަސައްކަތްތައް ވަނީ އަގުބޮޑު މަސައްކަތެއްގެ ގޮތުގައެވެ. އެހެންމީހެއްގެ ޢިލްމީ މަސައްކަތެއް ކޮޕީކުރުމަށްފަހު އެމަސައްކަތުގެ އަސްލު ވެރިޔާއަށް ރައްދުނުކޮށް “ބައްކޮޢްލުމަކީ” އެއްވެސް އިރެއްގައި މީސްދަކުން ބަލައިގަންނަ ކަންކަމެއްނޫނެވެ. ޚާއްޞަކޮށް ޢިލްމުގެ އަހްލުވެރިން އެފަދަ މީހަކު ނުވަތަ ބަޔަކާއި ދިމާލަށް ބަލާނީ ނުރުހުމުގެ ލޮލަކުންނެވެ. އެހެނީ އެފަދަ މީހަކު އެވަނީ ފައިސާއާއި މުދަލަށްވުރެ އަގުބޮޑު އެއްޗެއް ވަގަށް ނަގާފައެވެ.

“ޕްލެޖެރިޒަމް“(plagiarism) ނުވަތަ ” މީހެއްގެ ލިއުމެއް އެމީހަކަށް ނިސްބަތްނުކޮށް އަމިއްލަކުރުން” މިއީ މިޒަމާނުގައި ވަރަށް ޢާއްމު ކަމެކެވެ. ކިޔަވާކުދިންނާއި، ،މަތީތަޢްލީމު ޙާޞިލްކުރަމުންދާ ފަރާތްތަކުންވެސް އަދި ތަފާތު ދިރާސާތައްކޮށް ހަދާ ފަރާތްތަކުންވެސް ކޮށްއުޅޭ ކަމެކެވެ. އެހެންކަމުން ދުނިޔޭގެ ކުރިއަރާފައިވާ ގިނަ ގައުމުތަކުގައި މިހާރުވަނީ ” ޕްލެޖެރިޒަމް” އަކީ ޖަރީމާއެއް ކަމުގައި ބަލައިގެންފައެވެ. އަދި ޔުނިވާސިޓީތަކާއި ކޮލެޖްތަކުން ވަނީ ” މީހެއްގެ ލިއުމެއް އެލިޔުމުގެ ވެރިފަރާތަށް ނިސްބަތްނުކޮށް އަމިއްލަކުރުމުގެ” ކުށުގައި އެތައް ދަރިވަރުންނެއް އެ މުއައްޞަޞާއަކުން ބޭރުވެސް ކޮށްލާފައެވެ. އެތައް ބަޔަކު ވަޒީފާއިން ވަކިކޮށްފައެވެ.

ޕްލެޖެރިޒަމަކީ  ބައެއް އޮންލައިން ސައިޓްތަކުން ޢާއްމުކޮށް ކުރާ ކަމެކެވެ. ލިއުންތެރިޔަކު ތަރުޖަމާކޮށްގެން ލިޔާ ލިއުމެއް، ނުވަތަ އޭނާގެ ޢިލްމީ މަސައްކަތެއް އެތައް ދުވަހަކުން ބުރައުފުލައި ތައްޔާރުކޮށް ފުރިހަމަކޮށް ވެބްސައިޓެއްގައި ހަމަ ޝާއިޢުކޮށްލާއިރަށް އެލިއުމެއް އަމިއްލަކޮށް ފާޑުފާޑުގެ ސައިޓްތަކުގައި ޖަހަންފަށައެވެ. ފާޑުފާޑުގެ ނަންތަކުގައި އެލިއުމުގެ ވެރީން ފާޅުވާންފަށައެވެ. ބައެއްމީހުން މިކަމަކީ މައްސަލައެއް ނޫންކަމުގައި ދެކެފާނެއެވެ. ޚާއްޞަކޮށް މީހަކަށް ޢިބްރަތެއް ލިބޭފަދަ، ނުވަތަ މަންފާއެއް ކުރާފަދަ ލިއުމެއް އެހެން ސައިޓްތަކުގައި ޝާއިޢްކުރުމަކީ މައްސަލައެއް ކަމުގައި އަޅުގަނޑުވެސް ނުދެކެމެވެ. ނަމަވެސް އެކަން ކުރަންވާނީ އެކަމުގެ އުޞޫލާއި ސުލޫކީ އިމުގެ ތެރޭގައެވެ. އެހެން ބަޔަކަށް އެލިއުމެއް ނަޤުލުކުރާއިރު އޭގެ އަސްލު ލިއުން ލިޔުނު ފަރާތަށް ނުވަތަ އެލިއުން ނެގި ސައިޓަކަށް ކްރެޑިޓްދިނުމަކީ ހަމަ އެންމެ ރަނގަޅު ކަމެކެވެ. އެންމެ ކުޑަވެގެން ކޮޕީއެއްކަން އެންގޭވަރުކޮށްލުންވެސް ރަނގަޅުތާއެވެ. ހަމަ ގައިމުވެސް އެއީ އެލިއުން ކޮޕީކުރާ ސައިޓަކަށް ނުވަތަ މީހަކަށް ކްރެޑިޓް ޙައްޤުވާ ކަމެއްނޫނެވެ. މިގޮތުން ލަންދޫ އިންފޯގައި ” ޢުމުރުން 23 އަހަރުވަންދެން ކުރީ ހުސް ފާފައެވެ..” މިނަމުގައި ލިއުނު ޢިބްރަތްތެރި ވާހަކައެއް ތަފާތު ސައިޓްތަކުގައި ވާހަކައިގެ މަފްހޫމް ގެއްލޭފަދަ ފޮޓޯތަކާއިއެކު ޝާއިޢްކުރެވިފައި ވެއެވެ. ( މީގެތެރެއިން ގިނަ ސައިޓްތަކުން މިހާރުވަނީ ނަގާފަކަން ފާހަގަކުރެވެއެވެ.)

އިސްވެ ދެންނެވި މިސާލުގައިވާ ފަދައިން ޕްލެޖެރިޒަމުން ދިމާވާ އަނެއް މައްސަލައަކީ  އަސްލު ލިއުންތެރިޔާ ލިއުން މަޤްޞަދާއި މަފްޙޫމް އޮޅުވާލުމެވެ. މިސާލަކަށް ދީނީ ޢިބްރަތްތެރި ވާހަކައެއް ނުވަތަ ލިއުމެއް ލިޔެފައި ވަނިކޮށް އަމިއްލަކުރާ މީހަކު އެލިއުމާއި އެކުގައި ފާހިޝް ފޮޓޯއެއް ޖަހައިފިނަމަ، މުޅި ލިއުމުގެ މަޤްޞަދާއި ކަރާމާތް ގެއްލިގެން ދެއެވެ. މިސާލަކަށް ” އާފަލަކާއި ތަޤްވާވެރި ޒުވާނާ” ގެ ނަމުގައި http://noorul-islam.net/v7/noorulislam_print.asp?articleID=480 މި ލިންކްގައި ލިޔެފައިވާ ވާހަކައެއް “ތަޤްވާވެރި ފިރިއެއްގެ އިންތިޒާރުގައި” މިނަމުގައި http://lyesonline.com/index.php?option=com_content&view=section&layout=blog&id=17&Itemid=67 މިލިންކްގައި ޖަހާއިރު ފާހިޝް ފޮޓޯއެއް ޖަހައިފިނަމަ އެލިއުންތެރިޔާ ލިއުނު މަޤްޞަދާއި މުޅި މަފްޙޫމް ބަދަލުވެ އެލިއުމުގެ ޢިބްރަތާއި ކަރާމާތް ގެއްލިގެންދިޔައީއެވެ. ނުވަތަ ” އިންޓަނެޓް ޗެޓްގެ ޝިކާރަޔަކަށްވީ އަންހެންކުއްޖެއްގެ އާހް” މިނަމުގައި http://www.click4islam.com/story/st_110310_01_InternetChat.html މިލިންކުގައި ތަރުޖަމާކޮށް ލިޔެފައިވާ ލިއުމެއް، ހަމަ އެނަމުގައި “މުޙައްމަދު” ކިޔާ މީހަކު http://www.lyesonline.com/index.php?option=com_content&view=category&layout=blog&id=37&Itemid=59 ފަދަ އެހެން ލިންކެއްގައި އަމިއްލަކޮށްގެން ( ތަރުޖަމާކުރީ ކާކުކަން ނުވަތަ ކޮން ސައިޓަކުން ނެގި ލިއުމެއްކަން ނޭނގޭގޮތަށް) ލިޔެފިނަމަ ތަރުޖަމާކޮށް ބުރަ އުފުލި މީހަކަށް ނިކަމެތިކަމެއް އަންނާނެއެވެ.

އެހެން ކަމުން އެހުމުން ވައްކަންކުރުމުގެ ޓެކްނޮލޮޖީ ބޭނުންނުކޮށް ލިއުންތެރިން ޒިންމާވެއްޖެނަމަ މިފަދަ މައްސަލަތައް މަދުވާނެއެވެ. އޭރަކުން ދެލި ނުހިންގާ ގަލަމެއްގެ “ނުފޮރުއްޕާން” އިބުރާހިމް ނާއިޒްމެން، އަބުސީ މެންނަށް ޖެހޭލެއް ކުޑަވާނެއެވެ. ރާއްޖޭހެ ފެންވަރުގެ ނުވަތަ ބައިނަލްއަޤްވާމީ “ނޫސްވެރިން” އެޑިޓަރކަންކުރާ ސައިޓްތަކުގައި ވަގައްނެގޭ ލިއުންތައް ލިޔެވޭނޭ ދޮރުތައް ބަންދުވެއްޖެނަމަ ” ލަންދޫ އިންފޯ” ފަދަ “ރަޖިސްޓްރީކުރެވިގެން” ނެރޭ އޮންލައިން ނޫސްތަކުގެ “ކަނާތުފިތަށް އޮބުން މަނާކުރާ ޤާނޫނު” ބާތިލްވެ ޔޫޒަރ ފްރެންޑްލީ ވެވިދާނެއެވެ.

ނ..އަތޮޅު ސްކޫލްތަކުގެ ޤުރުއާން މުބަރާތް ފެށިގެން ކުރިއަށް ދަނީ

ާއްޖޭގެ ސްކޫލްތަކަށް ހުޅުވާލައިގެން ބޭއްވޭ ކީރިތި ޤުރުއާން ކިއެވުމުގެ މުބާރާތުގައި ވާދަކުރާނެ ކުދިން ހޮވުމަށްޓަކައި އަތޮޅުތަކުގައި ބޭއްވޭ ޤުރުއާން ކިޔެވުމުގެ މުބާރަތުގެ ތެރެއިން މިއަތޮޅުގެ މުބާރާތް މިއަތޮޅު މިލަދޫގައި މިއަދު މެންދުރުފަހު ދެ ގަޑި ސުންމިނެޓްގައި ފެށިގެން ކުރިއަށް އެބަދެއެވެ.

މިލަދޫ ކައުންސިލަރ ފައްޓަވައި ދެއްވި މި މުބާރާތުގައި މިއަތޮޅުގެ ތަފާތު ސްކޫލްތަކުން 55 ބައިވެރިން ވާދަކުރަމުން އެބަގެންދެއެވެ. މީގެ ތެރޭގައި ލަންދޫ ސްކޫލްގެ 3 ދަރިވަރަކުވެސް ވަދަކުރާނެއެވެ. އެއީ ގްރޭޑް 3 ގެ ދަރިވަރު ހުސެން ސަލާމް އާއި ގްރޭޑް 8 ގެ ދަރިވަރު އައިމިނަތު ނަޖީބާ އާއި ގްރޭޑް 9 ގެ ދަރިވަރު އައިމިނަތު އުސާމައެވެ.

ރާއްޖޭގެ އެހެން އަތޮޅުތަކުގައިވެސް މި މުބާރާތް މިއަދުގެ މިވަގުތު ފެށިގެން ކުރިއަށްދާކަމަށް އަޅުގަނޑުމެނަށް މަޢުލޫމަތު ލިބިފައިވެއެވެ.

ލަންދޫ ކައުންސިލަރަށް ލަފާދޭ ކޮމިޓީގެ ކުއްލިބައްދަލުވުމެއް ރޭ ބާއްވައިފި

ލަންދޫ ކައުންސިލަރަށް ލަފާދޭ ކޮމިޓީގެ ކުއްލިބައްދަލުވުމެއް ރޭ ލަންދޫ އޮފީހުގައި ބާއްވައިފިއެވެ. މިއީ ލަންދޫގެ ސިނާޢީސަރަޙައްދުން ބިންދޫކުރުމާއި ބެހޭގޮތުން ލަންދޫ އޮފީހާއި ، ނ.އަތޮޅުއޮފީހާއި، އަދި އުތުރު ޕްރޮވިންސް އޮފީސް ގުޅިގެން އެކުލަވާލައިފާވާ ޤަވާޢިދު ފާސްކުރުމަށް ޓަކައި ބޭއްވި ބައްދަލުވުމެކެވެ.

ކައުންސިލަރ ރަށުގައިވެސް ނެތި މިހާ ކުއްލިގޮތަކަށް މިބައްދަލުވުން ބާއްވަން ޖެހުނީ ކީއްވެތޯ ލަފާދޭ ކޮމިޓީގެ ނައިބްރައީސް އަލްފާޟިލް ފަރުހާދު ހުސެއިން އާއި ލަންދޫއިންފޯގެ ފަރާތުން  އަހާލުމުން އެބޭފުޅާ ބުނުއްވީ އެއީ ކައުންސިލަރ މަޖުދުﷲ ޕްރޮވިންސް އޮފީހުގައި ހުންނަވާފާ ވަރަށް އަވަހަށް ބައްދަލުވުމެއް ބާއްވައި ދިނުމަށް އެދިވަޑައިގަތުމުން ބޭއްވި ބައްދަލުވުމެއް ކަމަށެވެ.

ޤަވާޢިދެއް އެކުލާވާލުމުގެ ކުރިން ލަންދޫގެ ސިނާޢީ ސަރަޙައްދުން ބޮޑެތި ސިނާޢީ މަސައްކަތްތަކަށް ބިންކުއްޔަށްދޫކޮށްފާވާ މިދަނޑިވަޅުގައި ބޭއްވި މިބައްދަލުވުމުގައި ހުށަހެޅިގެން ދިޔަ ބިމާބެހޭ ޤަވާޢިދުގެ ދެލިކޮޕީ އަށް ކުދި ކުދި އިސްލާޙް މެމްބަރުން ހުށަހަޅާފައިވެއެވެ. އެހެންކަމުން ރޭގެ ބައްދަލުވުމުގައި އެޤަވާޢިދު އަދިވަނީ ފާސްނުކުރެވި ކަމަށްވެސް ކޮމިޓީގެ ނައިބްރައީސް މަޢުލޫމާތު ދެއްވަމުން ބުނުއްވިއެވެ. އެހެން ކަމުން އިސްލާޙްކުރެވުނު ބައިތައް ހިމަނައިގެން  މިއަދުގެ ވަގުތެއްގައި ޤަވާއިދު އިސްލާޙްކުރުމަށް ކޮންމެ މެމްބަރަކަށްވެސް އެޤަވާޢިދުގެ ކޮޕީއެއް ފޮނުވާނެކަމަށްވެސް އޭނާވިދާޅުވިއެވެ. ރޭގެ ބައްދަލުވުމުގެ ރިޔާސަތު ބެލެހެއްޓެވި ފަރުހާދު ހުސެއިން މިއަދު މިކަމާގުޅޭގޮތުން ފޯނުން ވާހަކަދައްކަވަމުން ބުނުއްވީ މިއަދުގެ ކޮންމެވެސް ވަގުތެއްގައި ޤަވާޢިދު ފާސްކުރައްވާނެކަމަށެވެ. އެކަމަކު ޤަވާޢިދު ފާސްކުރުމަށް އިތުރު ބައްދަލުވުމެއް ނުބާއްވާވާނެކަމަސްވެސް އޭނާ ބުނުއްވިއެވެ.

ލަންދޫގެ ބިން ބޭނުންކުރާނެ ގޮތުގެ ޤަވާޢިދެއް އެކުލަވާލެވިފާ ނެތުމުގެ ސަބަބުން ލިޔެސްކޯޕަރޭޓިވްސް އަށް އެމީހުންގެ ތެލުގެވިޔާފަރި ފުޅާދާއިރާއެއްގައި ހިންގުމަށް ފެށުމަށް އުޅޭ ބޮޑުމަޝްރޫޢުގެ މަސައްކަތްވެސް މިވަނީ ފެށޭގޮތް ނުވެފައެވެ. ލިޔެސްކޯޕަރޭޓިވްސްއަށް ސިނާޢީ ސަރަޙައްދުން ދޫކޮށްފާވާ 100 ފޫޓް ، 50 ފޫޓް ގެ ބިންވެސް ރަސްމީކޮށް ޙަވާލުނުކުރެވިގެން މިއުޅެނީ މިޤަޥާޢިދު ފާސްނުވާތީކަމަށްވެސް މަޢުލޫމާތު ލިބިފައިވެއެވެ.

މިފަދަ ބޮޑެތި ކަންކަން ނިންމުމުގައި ރަށުގެ އެންމެ އިސްފަރާތް ( ކައުންސިލަރ ) ބައިވެރިވެނުލައްވާ މިހާރަކަށް އައިސް އަބަދު ރަށުން ބޭރުގައި އެހުންނަވަނީ ކީއްވެތޯ އަހާލުމުން ލަންދޫއޮފީހުން ނަންހާމަކުރަން ނޭދޭ ބޭފުޅަކު ވިދާޅުވީ ކައުންސިލަރ އެކުރައްވާ ކަމެއް އެނގިވަޑައިގަންނަވާނީ ކައުންސިލަރަށް ކަމަށާއި، ކައުންސިލަރ ރަށުން ބޭރަށް ވަޑައިގަތަސް އޮފީހުގެ ދެންތިބި އެހެނިހެން ވެރިންނަށް ނާންގަވާކަމަށާއި، އެހެން އެކަން ކުރައްވާތީ ރަށުއޮފީހުން ނިންމަންޖެހޭ ރައްޔިތުންނާއި ގުޅުންހުރި ގިނަކަންތައް ނިންމުމުގައި ވަރަށް ބޮޑެތި އުދަނގޫތައް ކުރިމަތިވަމުން ދާކަމަށެވެ. އަދި އެއްވެސް ކަމެއް ނިންމުމުގެ އޮތޯރިޓީސް މިހާރު ކައުންސިލަރ ފިޔަވާ އޮފީހުގެ އެއްވެސް އެހެން ވެރިޔަކަށް ނޯންކަމަށްވެސް ލަންދޫއޮފީހުގެ މިދަންނަވާ މުވައްޒަފު ވިދާޅުވިއެވެ.

އަދާލަތު ޕާޓީގެފަރާތުން އެމްޑީޕީއަށް ވަރުގަދަ ބަހުގެ ހަމަލާތަކެއްދީފި

މިފަހަކަށް އައިސް ސަރުކާރު ހިންގާ ފަރާތައް ނިސްބަތްވާ  ބައެއް ފަރާތްތަކުން ޢަދާލަތުޕާޓީގެ ފަރާތުން ސަރުކާރުގައި ހިމެނޭ ބޭފުޅުންނަށް ނިސްބަތްކޮށް ނޭދެވޭ ވާހަކަތައް ދެއްކުމާއި އިސްތިޢުފާގެ އަޑު އުފުލަމުންދާ ކަމަށްބުނެ އެކަންކަމަށް ރައްދުދިނުމުގެ ގޮތުން އދާލަތުޕާޓިގެ ރަސްމީވެބްސައިޓްގައި ލިޔުމެއް ޝާއިއުކޮށްފިއެވެ.

އަދާލަތުޕާޓީގެ އިސްވެރިއެއްގެ ޤަލަމުންކަމަށް ބުނެ މިއަދު ޝާއިއުކޮށްފާވާ މިލިޔުމުގައި މިކަމާގުޅިގެން އަދާލަތުލަތުޕާޓީން ބުނާނީ ޢަދާލަތުޕާޓީގެ އެއްވެސް ބޭފުޅަކު ސަރުކާރުން އިސްތިޢުފާދޭން ނުޖެހޭނެކަމަށާއި، އެވަޒީފާތަކަކީ އިސްތިޢުފާއަށް ގޮވާ މީހުންގެ ފަރާތުން ޞަދަޤާތެއްގެ ގޮތުގައި ދެވިފައިވާ ވަޒީފާތަކެއްނޫންކަމަށެވެ. އަދި ތަނބަކަކަށް ލާފައި ދެވުނު ހަދިޔާއެއް އެއްވެސް  ނޫންކަމަށާއި، އެއީ ރައްޔިތުންގެ ނިންމުމެއްކަމަށްވެސް މިލިޔުމުގައި ބަޔާންކޮށްފާވެއެވެ.

އާދެ! ޢަދާލަތުޕާޓީ އަކީ އަމިއްލަ މަޞްލަޙަތަށްވުރެެ ޤައުމުގެ ކަންކަން އިސްކުރާ ޕާޓީއެއްކަމަށާއ، ބަނގުރަލުގެ މައްސަލައިގައި ޕާޓީގެ ފަރާތުން ސަރުކާރަށް ފާޑުކިއުން ރައްދުވެގެން ދިޔައީ ޞުލްޙަވެރިކަމާއެކު އެކަން ޙައްލުކުރުމަށް ކުރެވުނު އެންމެހާ މަސައްކަތްތައް ސަރުކާރުން އަޑުނޭހެމުންކަމަށްވެސް މިލިޔުންކުރިއަށް ގެންދަމުން ލިޔެފައިވެއެވެ. ދެތިން މީހެއްގެ މަޞްލަޙަތައްޓަކައި ދައުލަތުގެ ޤާނޫނުތަކާއި ޤަވާޢިދުތައް ބަދަލުކުރަން ފެށުމުން މުޒާހަރާއަކަށް ގޮވާލީކަމަށާއި، އެހެންނަމަވެސް ޢިއްޒަތްތެރި ރައީސުލްޖުމްހޫރިއްޔާގެ، ނުވަތަ ސަރުކާރުގެ އިސްތިޢުފާއަކަށް ނުގޮވާކަމަށާއި، ދައުލަތާ އިދިކޮޅު ޙަރަކާތެއް ވެސް ނުހިންގާކަމަށާއި، ދައުލަތުގެ މުއައްސަސާއަކަށް ގެއްލުމެއް ނުދޭކަމަށާއި، އަލިފާން ބޯޅައެއް ވެސްނުއުކާކަމަށާއި، އަދި ހަޑިހުތުރު ބަހުން ސަރުކާރާ މުޚާޠަބް ނުކުރާކަމަށްވެސް މިލިޔުމުގައި ބަޔާންކޮށްފާވެއެވެ.

އެހެނެއްކަމަކު އެއީ ޙައިރާންކުރުވަނިވި، ޞުލްޙަވެރި އީމާންތެރި އެއްވުމެއްކަމަށާއި، މުޅި ރާއްޖޭގައި އެއް އަޑަކުން އެއްވަގުތެއްގައި ބަނގުރާ އަށް ނޫނެކޭ ބުނެ މުޅި ދުނިޔެ ސިއްސުވާލަންޖެހުނީ އެކަމަށް ނިކުންނާނީ ހައެއްކަ މުއްލާއިންކަމަށް ދެކި މަލާމާތްކުރުމުގެ މަސްތުގައި ޣަރަޤުވެފައިވާ މީހުން އެކަމަށް އިންތިޒާރުކޮށްކޮށް ތިއްބާކަމަށްވެސް މިލިޔުމުގައި ލިޔެފައިވެއެވެ.  އަދިވެސް އެފަދައިން ނިކުންނަން ޖެހިއްޖެ ހިނދެއްގައި ނިކުންނާނެކަމަށާއި، ފަޟީލަތުއްޝައިޚު އިލްޔާސް ޙުސައިންމެން ފަދަ ޤައުމުގެ މުހިންމު ޝަޚްޞިއްޔަތުތަކަށް ފުރައްސާރަކުރުމާއި ޤައުމީ މަހާސިންތާގެ ނިންމުންތަކާ ތަޢާރުޟްވާ ގޮތައް ޤައުމީ މަންހަޖާ ކުޅެހެދުމާއި، ޢަރަބިއްޔާ ސްކޫލްގެ ދަރިވަރުން ޙާލުގައި ޖެއްސުމާއި، ދިވެހިރާއްޖޭގެ އާދަކާދައިގައި ސާބިތުވެފައިވާ ހެޔޮކަންކަން ބަދަލުކުރުމާއި، އިންސާނީ ޙައްޤުތަކާއި ބައިނަލް އަޤުވާމީ މުޢާހަދަތަކާއި، އ.ދގެ ޤަރާރުތަކަށް ފުރަގަސްދީ މުސްލިމުންގެ މުޤައްދަސް މިސްކިތް އަލްމަސްޖިދުލްއަޤްޞާއަށް އިހާނެތިކޮށް ހިތައި ޙައްދުފަހަނައަޅާފައިވާ ޒަޔަނިސްޓުންގެ ދައުލަތަށް ދިވެހިރާއްޖެއިން ޖާގަ ދިނުމާއި ސާނަވީ މަރްޙަލާގައި އެހެން ދީންތައް ކިޔަވާދިނުމާއި، ޤާނޫނު އަސާސީގައި ބަޔާންވެގެންވާ އިސްލާމީ އުޞޫލުތަކާ ފުށުއަރާގޮތައް ވެރިކަން ހިނގަންވެއްޖެ ނަމަ، އެއީ އަދާލަތުޕާޓީއަށް ޤަބޫލުކުރެވޭނޭ ކަމެއްނޫންކަމަށްވެސް މިލިޔުމުގައި ލިޔެފައިވެއެވެ.

މިލިޔުން ނިންމާލަމުން ލިޔެފައިވަނީ ސަރުކާރު ހިންގާ ޕާޓީގެ މެނިފެސްޓޯއާއި ޙާލުގެ ދުލުން ބަޔާންކުރެވެމުންދާ ޤައުމީ ޙަޔާތުގެ ކަންކަމާ ހުރީ ކިހާވަރެއްގެ ދުރުގާތްކަމެއްތޯ ބުއެްދީގެ އަހުލުވެރިންނަކަށް އޮޅިފައިނެތްކަމަށެވެ.

އަބަދީ ހިތްހަމަޖެހުން އެދޭނަމަ…

އަޅުގަނޑުމެންގެ މާތް ނަބިއްޔާ މުޙައްމަދު ރަސޫލު ﷲ ޞައްލައްﷲ ޢަލައިހި ވަސައްލަމް ޙަދީޘް ބަސްފުޅެއްގެ މާނާގައި ވެއެވެ. ” މީހަކު އޭނާގެ ހަށިގަނޑުގައި ހުރި ޒަޚަމެއްގައި އުފެދުނު ކެކުޅުމާއި ވޭނެއްގެ ސަބަބުން އޭނާ އަމިއްލައަށް މަރުވީއެވެ. ފަހެ، މާތް ﷲ ބަސް ވަޙީ ކުރެއްވިއެވެ. ތިމަން ރަސްކަލާނގެ ނިޔާފުޅަށްވުރެ ތިމަން ރަސްކަލާނގެ އަޅާ އޭނާގެ ނަފުސު ހަލާކު ކޮއްލުމުގައި އަވަސްވެގެންފިއެވެ. އޭނާގެ މައްޗަށް ތިމަން ރަސްކަލާނގެ ސުވަރުގެ ޙަރާމް ކުރެއްވީމެވެ. “

ނަފުސަށާއި ފުރާނައަށް ގެއްލުންވާފަދަ ހުރިހާކަމަކުން ދުރުހެލިވުމަށް، ނަފުސާއި ފުރާނައިގެ ވެރިރަސްކަލާނގެ އަންގަވައެވެ. މާތް ﷲ ކީރިތި ޤުރުއާނުގައި ވަޙީކުރައްވާފައިވާ ބަސްފުޅެއްގެ މާނާގައި ވެއެވެ. ” އަދި ތިޔަބައިމީހުންގެ އަތްތަކުން ތިޔަބައިމީހުންގެ ނަފުސުތަށް ހަލާކުގެ ތެރެއަށް އެއްލައި ނުލާށެވެ. ” ކަންމިހެން އޮތްކަމުގައި ވީނަމަވެސް  މި ޢަމަލަކީ ދުނިޔޭގައި ދުވަހުން ދުވަހަށް އިތުރުވަމުންދާ

ޢަމަލެކެވެ. އަދ މަދުން ނަމަވެސް އަޅުގަނޑުމެންގެ ތެރޭގައި ތަކުރާރުވަމުންދާ ކަމެކެވެ. މާތް ﷲ އުފެއްދެވި އެންމެ މާތް މަޙުލޫގު ކަމުގައިވާ އިންސާނާ މިކަން ކުރަނީ ކީއްވެހެއްޔެވެ؟

އިންސާނުން ރެއާދުވާލު މަސައްކަތް ކުރަމުންދަނީ ނަފުސަށާއި ފުރާނައަށް އަރާމާއި ހަމަޖެހުން ހޯދައިދިނުމަށެވެ. ދުނިޔޭގައި ހޭދަކުރާ ފަޅިސިކުންތެއްވެސް ހިތްހަމަޖެހުމުގައި ގުނާލުމަށެވެ. ދިރިއުޅުން ބާއްޖަވެރި ކުރެވޭތޯއެވެ. ނަމަވެސް މިކަންތައް ޙާސިލު ކުރުމުގައި ނާކާމިޔާބީއަކާއި ކުރިމަތިލާން ޖެހިއްޖެ ނަމަ، ހިތުގައި އީމާންކަމެއް ނުވާ އިންސާނާ ހުރިހާކަމަކަށްމެ މާއްދިއްޔަތުގެ ކަނު ލޮލަކުން ބަލައި އޭނާގެ ލޯބިވާ  ނަފުސާއި ފުރާނަ އަމިއްލައަށް މަރާލައެވެ. ޝުކުރު ކުރަންޖެހޭ، އަޅުކަންކުރަން ކުރަންޖެހޭ ފަރާތެއްވާކަން ހަނދާން ނައްތާލައެވެ.

މިފަދަ ޙާލަތުގައި މުއުމިނުންގެ ޢަމަލުތަށް ވަރަށް ތަފާތެވެ. ހިތާމައާއި ހިތްދަތިކަން ލިބެމުން ދާނަމަ މުއުމިނުން ކެތްތެރިކަން އިސްކުރެއެވެ. މާތް ﷲ އަށް ވަކީލުކުރުންމަތީ ދެމި ތެބެއެވެ. މާތް ރަސޫލާގެ ޙަދީޘް ބަސްފުޅެއްގެ މާނާގައި ވެއެވެ. ” މުއުމިނުންގެ ކަންތަކާމެދު ޢަޖާއިބުވަމެވެ. ހަމަކަށަވަރުން އޭނާގެ ހުރިހާ ކަމެއްގައި ވަނީ ހެޔޮކަމެވެ. އޭނާއަށް އުފާވެރިކަމެއް ދިމާވެއްޖެނަމަ އެކަމަކަށް އޭނާ މާޔް ﷲ އަށް ޝުކުރުވެރި ވެއެވެ. ފަހެ، މިކަންވަނީ އޭނާއަށް ހުރި ހެޔޮކަމެއް ކަމުގައެވެ. އަދި އޭނާއަށް ހިތާމަވެރިކަމެއް ދިމާވެއްޖެނަމަ އެކަމަކަށް އޭނާ ކެއްތެރި ވެއެވެ. ފަހެ، މިކަންވަނީ އޭނާއަށް ހުރި ހެޔޮކަމެއް ކަމުގައެވެ. “

އެހެންކަމުން ދިރިއުޅުމުގެ ހަޤީޤީ އުފަލާއި ހިތްހަމަ ޖެހުން އެދޭނަމަ ރަޙުމާނުވަންތަ އިލާހާއި އިންސާނާއާއި ދެމެދުގައިވާ  ރޫޙާނީ ބާރު ވަރުގަދަކުރާށެވެ. ކަލާނގެ ހަނދުމަ ކުރާށެވެ. ފުރިހަމަ މާނާގައި އީމާންވާށެވެ. މާތް ﷲ ކީރިތި ޤުރުއާނުގައި ވަޙީ ކުރައްވާފައިވާ ބަސްފުޅެއްގެ މާނާގައި ވެއެވެ. ” އެކަލާނގެއީ މުއުމިނުންގެ ހިތްތަކަށް ހިތްހަމަޖެހުން ބާވައިލެއްވި ރަސްކަލާނގެއެވެ. އެބައިމީހުންގެ އީމާންކަމުގެ މައްޗަށެވެ. އެބައިމީހުންނަށް އީމާންކަން އިތުރުވުމަށްޓަކައެވެ. އުޑުތަކާއި ބިމުގެ ލަޝްކަރު މިލްކުވެގެންވަނީ ﷲ އަށެވެ. މޮޅަށް ދެނެވޮޑިގެންވާ ޙަކީމުވަންތަ ކަލަކު ކަމުގައި ﷲ ވޮޑިގެން ވެއެވެ. ” ( ނިމުނީ )

ލަންދޫސްކޫލްގެ އިންޓަރ ހައުސް 14 ވަނަ ބަށިމުބާރާތުގެ ފައިނަލަށް ރެހެންދި އާއި، ދޮށިމޭނާ ހިގައްޖެ

ލަންދޫސްކޫލްގެ އިންޓަރ ހައުސް 14 ވަނަ ބަށިމުބާރާތުގެ ފައިނަލަށް ރެހެންދި އާއި، ދޮށިމޭނާ ހިގައްޖެއެވެ. މިދެޓީމް ފައިނަލަށް ދިޔަކަން ކަށަވަރު ވީ މިއަދު ހަވީރު ކުޅެވުނު ރެހެންދިހައުސްއާއި، ސިއްތިމާވާ ހައުސްގެ މެޗަށް ފަހުއެވެ. މިއަދު ހަވީރު ކުޅެވުނު މިމުބާރާތުގެ 3 ވަނަމެޗް 7 ލަނޑު 12 ފޯލި، 1 ލަނޑު 12 ފޯލިން ކާމިޔާބުކޮށްފައިވަނީ ރެހެންދިހައުސްއެވެ.

މިމުބާރާތުގެ ފައިނަލަށް ދޮށިމޭނާ ހައުސް ގޮސްފާވަނީ ކުޅުނު ތިންމެޗުންވެސް މޮޅުވެ ޕޮއިންޓް ޓޭބަލްގެ އެއްވަނަ ޓީމެއްގެ ގޮތުގައި އޮވެއެވެ.

މިމުބާރާތުގެ ފަައިނަލް މެޗް ކުޅޭގޮތަށް ހަަމަޖެހިފައިވަނީ އަންނަ ހަފްތާގެ އާދިއްތަ ދުވަހުއެވެ. މާދަމާ އޮންނާނީ ލަންދޫސްކޫލްގެ ފުޓްބޯޅަލީގް 2010 ގެ މެޗެކެވެ.

ލަންދޫސްކޫލްގެ ރިސޯސްޓީޗަރަކަށް ސަލްމާ ހަމަޖައްސައިފި

ނ.ލަންދޫސްކޫލްގެ ރިސޯސްޓީޗަރެއްގެ މަޤާމަށް ނ.ލަންދޫ އޮއިވަރު އަލްފާޟިލާ ސަލްމާ ޙުސެއިން ހަމަޖައްސައިފިއެވެ. ލަންދޫސްކޫލް ހިންގުމާއި ޙަވާލުވެހުރި ހެޑް އޮފް ސްކޫލް އަލްފާޟިލް މުޙައްމަދު އިބްރާހީމް މިއަދު ވިދާޅުވީ ސަލްމާ ރިސޯސްޓީޗަރަކަށް ހަމަޖެހިގެން އެދިޔައީ ޤްރުއާން ކިޔަވައިދޭނޭ ރިސޯސްޓީޗަރަކު ހޯދުމަށް ދެފަހަރު މަތިން އިޢުލާން ކޮށްގެން ކުރިމަތިލެއްވި 3 ފަރާތުގެ ތެރެއިން ކަމަށެވެ.

ފުރަތަމަ ފަހަރު ކުރިއިޢުލާނާއި ގުޅިގެން ކުރިމަތިލެއްވީ އެންމެ ފަރާތަކުން ކަމަށާއި، އެއީ ނ.ލަންދޫ އަޅިވިލާގެ އަލްފާޟިލާ އާމިނަތު އަޤްލީމާ ކަމަށްވެސް މުޙައްމަދު އިބްރާހިމް މިއަދު ވިދާޅުވިއެވެ. އަދި އެންމެ ފަރާތަކުން ކުރިމަތިލުމާއި، ގުޅިގެން އެކަމަށް އެންމެއެކަށޭނަ އިތުރު ފަރާތެއް ވޭތޯ ދެވަނަފަހަރަށް އިޢުލާން ކުރެއވިކަމަށާއި، އިޢުލާން ކުރެއްވީ ސްކޫލް ބޯޑުގެ މަޝްވަރާގެ މަތިން ކަމަށްވެސް އޭނާ އިތުރަށް ހާމަކުރެއްވިއެވެ.

ދެވަނަ ފަހަރަށް ކުރި އިޢުލާނާއި، ގުޅިގެން ކުރިމަތިލީ ނ.ލަންދޫ އޮއިވަރު އަލްފާޟިލާ ސަލްމާ ޙުސެއިން އާއި، އޭނައިގެ އެއްބަނޑު އެއްބަފާކޮއްކޮ ހަމަ އެގޭ އަލްފާޟިލާ އާމިނަތު ސަމާކަމަށްވެސް އޭނާ ވިދާޅުވިއެވެ. މިބުރުގައި އިތުރު ފަރާތަކުން ކުރިމަތިލައިފާ ނުވާތީ އާއި، މިކަމުގައި އިތުރު އޮޕްޝަންއެއް ނެތްކަމަށް ސްކޫލާއި، ސްކޫލް ބޯޑުން ނިންމުމަށްފަހު މިދެމީހުންހުށަހަޅާފައިވާ ލިޔެކިޔުންތައް ޕްރޮވިންސް އޮފީހުގެ އެޑިޔުކޭޝަން ޑެސްކަށް ފޮނުވާލުމުން މީހަކު ހަމަޖެއްސީ އެފަރާތުންކަމަށްވެސް ހެޑްއޮފްސްކޫލް މުޙައްމަދު އިބްރާހީމް މިއަދު ހާމަކުރެއްވިއެވެ.

ސަލްމާއަށް މިމަޤާމް ހަމަޖެހުމުން އޭނާއިގެ މުސާރައަށް ލިބޭނީ މަހަކު މުސާރައިގެ ގޮތުގައި -/3100ރ. އާއި، އެލެވަންސްގެ ގޮތުގައި -/1000ރ. އާއި، އެކު ޖުމުލަ -/4100ރ. އެވެ. ސިވިލްސާރވިސް ކޮމިޝަންގެ އާޤަވާޢިދުގައިވާގޮތުން މި މިންގަޑަށް މުސާރަ ދެވޭނީ ގްރޭޑް 7 ނިންމާފައިވާ ރިސޯސްޓީޗަރުންނަށެވެ. ސަލްމާ ޙުސެއިން އަކީ ލަންދޫސްކޫލްގެ ގްރޭޑް 7 ނިންމާފައިވާ ދަރިވަރެކެވެ.

ރިސޯސް ޓީޗަރަކަށް ސަލްމާ ޙަމަޖެއްސި ކަމުގައި ވިޔަސް ، ލަންދޫއިންފޯއަށް މަޢުލޫމާތު ލިބިފައިވާ ގޮތުގައި ސަލްމާ ޚާއްޞަވެގެންދާނީ އެސްކޫލްގެ ޤުރުއާން ޓީޗަރެއްގެ ގޮތުގައެވެ. އެގޮތުން އޭނާއި، މާދަމާއިން ފެށިގެން ޙަވާލުކުރެވޭނީ އެސްކޫލްގެ ގްރޭޑް 7 ން ދަށުގެ ކްލާސްތަކުގެ ހުރިހާ ޤުރުއާން ގަޑިތައްކަމަށްވެސް މަޢުލޫމާތު ލިބިފައިވެއެވެ.